✒️सातारा-खटाव,प्रतिनिधी(नितीन राजे)मो:-9822800812
सातारा(दि.22मे):-महाराष्ट्र सरकारकडून आयपीएस अधिकाऱ्यांच्या बदल्या करण्यात आल्या आहेत. यामध्ये सातारा जिल्ह्याचे जिल्हा पोलीस प्रमुखपदी तुषार दोषी यांची लोहमार्ग, पुणे पोलीस अधीक्षक येथून सातारा जिल्ह्यात बदली करण्यात आली आहे. तर समीर शेख यांची बृहन्मुंबई पोलीस उपायुक्तपदी बदली झाली आहे.
तुषार दोशी हे २००१ मध्ये ग्रॅज्युएशन पूर्ण झाल्यानंतर पोलीस दलात भरती झाले. मी पदवी घेतल्यानंतर महाराष्ट्र लोकसेवा आयोगाच्या परीक्षा दिली आणि पोलीस खात्यात भरती झालो, असं तुषार दोषींनी नवी मुंबईत पोलीस उपायुक्तपदी असताना दिलेल्या मुलाखतीत सांगितले होते.
राज्य सरकारने अनेक आयपीएस अधिकाऱ्यांच्या बदल्यांचे आदेश आज काढले असून, साताऱ्याचे पोलीस अधीक्षक समीर शेख, यांची बृहन्मुंबई पोलीस उपायुक्तपदी बदली करण्यात आली आहे. तर त्यांच्या जागी तुषार दोषी यांना सातारा जिल्हा पोलीस प्रमुख पदी बदली करण्यात आली . बदलीच्या ठिकाणी हजर होण्याचे आदेश राज्य सरकारच्या वतीने बजावण्यात आले आहेत.
