✒️सचिन सरतापे(प्रतिनिधी म्हसवड)मो:-9075686100
म्हसवड(सातारा)(दि.16जुलै):- म्हसवड पोलीस स्टेशनचे सहाय्यक पोलीस निरीक्षक अक्षय सोनवणे यांनी स्टाफसह वरकुटे मलवडी, ता. माण, जि. सातारा येथील जुगार अड्ड्यावर छापा मारून 3 लाख 12 हजार 670 रुपयाचा जुगार साहित्य, रोख रक्कम आणि मोटरसायकल मुद्देमाल जप्त करून 11 आरोपींना अटक केली
म्हसवड पोलीस स्टेशनकडून मिळालेल्या माहितीनुसार वरकुटे मलवडी, तालुका मान गावचे हद्दीत सिद्धार्थ विश्वनाथ बनसोडे यांच्या घराच्या आडोशाला काही इसम तीन पाणी पत्त्यावर पैंज म्हणून जुगार खेळत असले बाबत गोपनीय माहिती काढून तात्काळ सहाय्यक पोलीस निरीक्षक अक्षय सोनवणे यांनी पोलीस स्टाफसह वरकुटे मलवडी येथील प्राप्त माहितीच्या ठिकाणी छापा मारून जुगार खेळणाऱ्या 11 आरोपींना ताब्यात घेऊन त्यांच्यावर म्हसवड पोलीस ठाण्यात महाराष्ट्र जुगार प्रतिबंधक अधिनियम कलम 12 अ प्रमाने गुन्हा दाखल केलेला असून यामध्ये 3 लाख 12 हजार 670 रुपये किमतीचा मुद्देमाल जप्त करण्यात आलेला असून या गुन्ह्यातील आरोपीं कबीर विठ्ठल बनसोडे,अर्जुन सर्जेराव यादव, सचिन अंकुश यादव,गणेश दिगंबर बनसोडे,विजय भानुदास जगताप, विकास हरी यादव,नानासो रामचंद्र मंडले, बाळासाहेब रावसाहेब मिसाळ, संभाजी मल्हारी मंडले,सिद्धार्थ विश्वनाथ बनसोडे,शिवाजी राम मिसाळ यांना अटक करणेत आली
सदरची कामगिरी ही सातारा जिल्हा पोलीस अधीक्षक श्री तुषार दोशी सर,अप्पर पोलीस अधीक्षक वैशाली कडूकर मॅडम, उपविभागीय पोलीस अधिकारी अश्विनी शेंडगे मॅडम यांच्या मार्गदर्शनाखाली सहाय्यक पोलीस निरीक्षक अक्षय सोनवणे, पोलीस उपनिरीक्षक अनिल वाघमोडे, अमर नारनवर, देवानंद खाडे, रूपाली फडतरे, जगन्नाथ लुबाळ, नवनाथ शिरकुळे, अनिल वाघमोडे, सतीश जाधव, श्रीकांत सुद्रिक, पोलीस मित्र नारनवर यांनी केली
