✒️सुयोग सुरेश डांगे(विशेष प्रतिनिधी)
चिमुर(दि.17मार्च):-विद्यार्थ्यांच्या सक्रिय सहभागाला प्रोत्साहन देणारी सेमिनार स्पर्धा ग्रामगीत महाविद्यालय, चिमुर येथे 18 मार्च 2025 रोजी आयोजित करण्यात येणार आहे. या सेमिनारचे आयोजन रसायनशास्त्र विभागाच्या मार्गदर्शनाखाली होणार असून, या स्पर्धेला राष्ट्रीय विज्ञान अकादमी इंडिया (NASI), नागपूर विभागाचे सहकार्य असेल.
यासंबंधी माहिती देताना प्राध्यापक डॉ. हुमेश्वर आनंदे, ग्रामगीत महाविद्यालय, चिमुर यांनी सांगितले की, या सेमिनारचे अध्यक्षपद डॉ. सुनंदा एस. आस्वले, प्राचार्य, ग्रामगीत महाविद्यालय, चिमुर यांच्याकडे असेल. तसेच, प्रमुख अतिथी म्हणून डॉ. एन. एस. गजभिये, अध्यक्ष, NASI नागपूर विभाग आणि प्रा. सुरेश उमरे, सल्लागार, NASI नागपूर विभाग व प्राध्यापक, रसायनशास्त्र विभाग, VNIT नागपूर उपस्थित राहणार आहेत.
या सेमिनारमध्ये विद्यार्थ्यांचे शास्त्रीय सादरीकरण असून परीक्षक म्हणून डॉ. के. आर. लांजेवार आणि श्री. राहुल ठेंगणे UG विद्यार्थ्यांचे सादरीकरण पाहणार असून, प्रा. एस. एम. सोनटक्के आणि डॉ. आशीष वाकुलकर PG विद्यार्थ्यांचे सादरीकरण परीक्षित करणार आहेत.
सकाळी 9:00 वाजता उद्घाटन समारंभ पार पडेल, त्यानंतर शास्त्रीय सत्र- I (10:30 वाजता), शास्त्रीय सत्र-II (11:30 वाजता) आणि शास्त्रीय सत्र-III (2:00 वाजता) होईल. समारोहनंतर प्रमाणपत्र वितरण व समारोप कार्यक्रम 4:10 वाजता होईल. राज्यभरातील प्रत्येक महाविद्यालयातून दोन UG आणि दोन PG विद्यार्थी या सेमिनार स्पर्धेत भाग घेण्यासाठी आमंत्रित करण्यात आले आहेत. या सेमिनारमुळे विद्यार्थ्यांना रसायनशास्त्रातील नवनवीन विकासाबद्दल माहिती मिळवण्याची संधी मिळेल तसेच त्यांची शास्त्रीय सादरीकरण कौशल्ये सुधारण्यास मदत होईल.
